Мицкоски се огласи на Фејсбук: Предлогот за влез во Влада надвор од моите морални принципи

 Breaking News

Мицкоски се огласи на Фејсбук: Предлогот за влез во Влада надвор од моите морални принципи

Мицкоски се огласи на Фејсбук: Предлогот за влез во Влада надвор од моите морални принципи
August 04
11:26 2018

Лидерот на ВМРО-ДПМНЕ Христијан Мицкоски денеска на својот фејсбук профил напиша статус во кој наведува дека се измислени неговите наводни барања за амнестија, а предлог за влез во владата е непристоен и надвор од неговите морални принципи.

Некој свесно заборава дека мандатот за влада, министерски места и функции ги дава единствено народот, а не поединци кои туркаат агенди за спас на своите кариери.

Разните неформални понуди, кулоарски муабети, ноншалатни математички пресметки за учество во влада која треба да го донесе и реализира договорот со Грција го сметам за непристоен предлог, надвор од моите морални принципи.

Суштината е дека учеството или неучеството во таква една влада нема да го направи договорот, кој некој друг го договараше и преговараше подобар или помалку штетен за Македонија и нејзините граѓани, но пак таквата понуда е сигурен доказ дека тие што стојат зад него се свесни дека тоа народот не го одобрува и преставува капитулантско дело за кое сега им е потребно алиби, пишува Мицкоски на својот фб-профил.

Според него, непристојните предлози очигледно стануваат одлика на оваа генерација политичари која се провлекува од транзицијата, и нешто што е дел од нивниот карактер.

И кога веќе е очигледно дека тонат, и во тонењето продолжуваат да лажат, па измислуваат некакви барања за амнестии кои треба да го покријат очајот.

Но чукаат на погрешна врата, како што нагласив и претходно, компромиси со моите принципи нема да има.

Влада чија главна задача се делење државни тендери на приватни фирми на луѓе од власта, каде криминалот метастазира, хедонизмот цвета, а корупцијата е заеднички именител, не може да биде влада која ќе донесе иднина, туку влада која ќе зацементира небиднина, наведува лидерот на ВМРО-ДПМНЕ.

Коментари

Коментари

Related Articles